Dal 1932 decida il club da far üna chamonna sül Cuvel (Cuel) da l'Iva. E quella decisiun vain eir realisada, cun bler ingaschamaint e lavur gratuita dals commembers. Il transport da material nu d'eira simpel.

Dürant divers decennis es gnüda dovrada la chamonnina intensivmaing, sco lö da partenza per cuorsas da skis ter pretensiusas. ma impustüt sco böt da bellas turas cullas pels

Davo chi ha cumanzà il circus da skis a Motta Naluns cun adüna daplüs indrizs da transport cumadaivels, ha la chamonnina pers sia importanza e giaiva plan planet bod in malura.

Ma il club cun ün comitè ourdvart iniziativ ha restorà e miss darcheu ad ir la chamonna.

La stà dals 2018 ha inaugurà üna gronda cumpagnia la chamonnina nostalgica restorada, ed in occasiun dal giubileum "100 ons club da skiunzs da Sent" han cumanzà la bunura in quel lö las festivitats cun ün püschegn.